Anümapupan tañi eluñmagenoal tayiñ mapu chegen
Pu Mallolhafken Txafkintuwe che wemüyiñ Israel Estaw ñi fütxa lhagümchen Palestina mapu mew.
Kellukonküleyiñ pu Palestina che ñi kutxankawün mew.
Gaza mapu ñi malokonpugeyel ka ñi anümapupugeyel Wallmapu reke femgey malopalu egu Chile ka Arkentina ñi estaw afpun mari aylla sikülu mew.
Tüfachi zugu petu pefali zew rupalu meli txipantu petu müley pu soltaw, ka müley malaltukuelchi mapuche, pu lhagümelchi che ka pu ñamümelchi che igkañpewma mapu tañi mülen mew wezake zugu mapuche mapu mew
Tüfa ta Estaw ñi weza günen mapuche mapu mew.
Israel Estaw ñi weza femken ka Etaw Uniw petu kellueyew, feymew chem az zugu rume günekelaeyew.
Fütxake politiku txokiñ che topakelay tüfachi zugu mew ñi günenieke-etew pu wezake ülhmenke txokiñ che, tüfachi zugu yamkelay pu wünen anümapuche ñi az zugu tañi kizugünewal.
Ti kakewmechi mapu az zugu, pikefi: Palestina mapu niey ñi Estaw, welu tüfachi zugu welliley.
Lhagümkageluam pu Palestina che ka apumkageluam kisu ñi mapu.
Kiñe awükakechi malon mew, Israel küpa apümfi chem zugu rume tañi witxapüramgeal Palestina ñi Estaw.
Gaza mapu ñi malokagen küpali kayu pataka waragka Israel che tañi anümapupual Kiskorzania mapu mew, ka küpali fentxen soltawtu wellim ka kiñe kura malal nielu 700 km ka eluñmagekenolu ñi rulpayal pu Palestina che.
Wallmapu mew ka kompafuygün pu soltaw afpun mari aylla sikülu mew, epu Estaw wüzam-maeyiñmew tayiñ mapu ka püchilewey pu mapuche.
Püchilewetuy txokiñke mapu mütem, tüfa zoy püchi mari pataka mapu mew.
Mari aylla mari txipantu mew llituy Mapuche weychan tañi nütual tayiñ mapu.
Welu fantepu mew nhewentu gillatufiñ tañi nümaputual tayiñ kuyfike mapu. Kiñe fütxa kiñelmapugeyiñ feymew pepi küzawyiñ tañi nietual tayiñ mapu, Wallmapu pigelu.
Feymew, Paz y entendimiento txokiñ che ñi tukuzuamel kintulu ñi zewmayal kiñe we zugu tañi wülkayal mapuche mapu ta kiñe zugu tañi kellual fütxake ülhmenke txokiñ che tañi püzümkayafiel tayiñ mapu mew, tañi genhgetual mapu, ko ka mawiza.
Feymew gelay ñi llowal tüfachi ramtukawün zugu amulkelu tüfachi kofiernu. Tüfa elugelay mapu welu elüñmagelayay nümaputual.
Püchike lof mapu Wallmapugelay, Wallmapu ta kom mapuche mapu ñ, tayiñ mapu tayiñ yenieal tayiñ mapuche az mogen.
Feymew, feychi weza zugu rupañmalu Palestina mapu mew, fanen zugugey. Eyew ka faw mew weychaleyiñ tayiñ mapu chegeal tayiñ kizu mapu mew.
Lee aquí nuestra carta en español
Taiñ rakizuam
Nuestro pensamiento: nos definimos como una organización territorialista, incluyente e integradora. Continuar leyendo...
